КМКҚ «Атырау индустриалды колледжінде» 2022 жылдың 30 мамыр мен 4 маусым аралығында «Металл өңдеу және дәнекерлеу» пәндер бірлестігінің «Бүгінгі білімді студент – ертеңгі білікті жас маман» атты апталығы өтті.

Осы апталық аясында 2022 жылдың 3 маусым күні өндірістік оқыту шебері Бекешов А.С. ұйымдастыруымен СВк-20 тобына «Диаметрлері 100 мм, 159 мм әртүрлі құбырларды түйістіріп және пластинаны тік бағытта қорғаныш газдарымен жартылай автоматтты пісіру» тақырыбында ашық сабақ өткізілді.

Ашық сабақтың мақсаты: Диаметрі 100 мм және 159 мм әртүрлі құбырларын түйістіріп және пластина тік бағытта қорғаныш газдармен жартылай автоматпен пісіруді үйрету және болат құбырын өндірістік сабақта қолданып, студенттерді технологиясымен таныстыру.

Сабақ барысында оқытудың жаңа әдіс тәсілдері қолданылып, теориялық білім практикамен ұштастырылды. Жаңа құрал-жабдықтар, сызбалар, технологиялық нұсқаулық карта, бағалау парақшалары пайдаланылды. Студенттер сабаққа белсене қатысып, өз пікірін, көзқарасын айтуына еркіндік берілді. Өз білімдерін тәжірибеде қолдана білді. Ашық сабақ ойдағыдай өтіп, өз мақсатына жетті.